Barrura begiratzeko leihoak

Arkitekturari buruzkoa ez baldi bada ere, bada bizidugun inguruarekiko zati batena beintzat. Oraindik bakoitzak soilik barnera begiratzen badu ere, merezi du...

KAP-PFC

Konturatu barik urteak aurrera doaz, eta 1. mailan karrera amaierako proiektuak ikusi genduzanetik, hauen inguruko pentsamentuak aldatzen joan dira.

Nahiz eta oraindik urte batzuk falta diren hara heltzeko, Azaroak 8an panelak jarri zituztenean, haiengan pentsatu nuen. "Amaitu" dozunaren poztasuna eta izugarrizko urduritasuna batu behar dira gorputzean, pentsatzen dut sentzazio arraroa izango dela.

Proiektuei begiratu eta mota guztietakoak daude, landuagoak, koloretsuak,aurkezpenak ere mota guztietakoak... Lehen begirada batean marrazketak teknikoetatik ez gaudela hain urruti uste dut,panelen montajeak ere egin daikeguzala. Baina panelak ideia baten atzetik eta bateratasunarekin egitea ikusten dut zailen. Hau da eraikinaren programa borobiltzea eta ideia garrantzitsuenak panelean azaltzea. Baita batzuek egiten dituzten 3 dimentsiotako marrazkiak (bai eskuz, bai ordenagailuz). 

Erabilerak zehazten

Eraikin "semi-publikoen" eskema orokor bat;

    Eskema honi jarraituz, auzoaren garapenerako, erabilera desberdinetako eraikinak egokiak izan daitezke. Nik horietako bi erabilera bateratu ditut. Belaunaldi desberdinentzat pentsatutako eraikina eta Marseillara etorriko diren pertsonentzako ostatua.

    Badirudi belaunaldi desberdinentzat proiektatutako eraikinak ez dutela indarrik hartu, proiektuak badaude baina honen inguruko reflekzio bat behar dela uste dut.

    Hainbat eragile izango dira proiektu honetan, eta eragile bakoitzak zerbait emango dio eraikinari, bertan egongo den jendeari, edota auzoari. Orubearen dimentsioa dela eta aurreikuspen bat egin da eta eragile bakoitzeko zenbat pertsona egon daitezken.

·         Errekurtsorik ez dituzten Marsellako nagusiak (4 pertsona)

Etxebizitza duin bat lortuko dute, baita beharrezkoak diren zainketak ere. Era berean pertsona hauek euren esperientziak eta auzoarekiko eta Marseillarekiko dituzten ezagutzak konpartitu beharko dituzte eraikinean egongo diren pertsonekin, eta baita bertatik pasatuko diren turista eta auzotarrekin ere. Euren egoera fisikoaren arabera eraikineko garbiketan, janaria prestatzen… lagundu eta espazio desberdinen zaintzeaz arduratuko dira.

·         Langabezian dauden Marsellako artistak (2 pertsona)

Etxebizitza eta tailer bat lortuko dute, baita lan bat ere. Hauek gestionatuko dute eraikina, ekonomikoki, eta bertan egingo diren ekintzak ere, ekintzak prestatuko dituzte nagusientzat, auzotarrentzat, eraikinean biziko diren kanpotarrentzat eta baita turistentzat ere.

·         Marsellara etorriko den edozein pertsona, bai turista, bai artista, bai lan bila etorri dena… (4-6 pertsona)

Bertan ostatu hartu ahal izango du, gehienez hile batez, eta horren truke astean behin ekintza, tailer, erakusketa… prestatu beharko du. Beste alde batetik eraikinaren garbiketan eta mantentzean lagundu beharko dute.

·         Bertatik pasatuko diren turistak.(La Charite eraikin turistikoa dela eta) 

   Eraikinetik pasatzerakoan bertan egiten dauden ekintzetan parte hartu ahal izango dute. Eraikinak berak horretara bideratu beharko ditu.

·         Auzotarrak.

Turistak bezala eraikineko ekintzetan parte hartu ahal izango dute.

Hurrengo pausua, espazio bakoitzaren bolumena zehaztea...

Txoritokiaren azkenengo ideiak

Basoaren ideiarekin jarraituz, baso naturala eta artifiziala nahastuko dira. Hauen artetik altueran ibilbide bat sortuko da, garabira sarrera emanez eta pertsonen eta hegaztien arteko harremana indartuz.

Baso artifiziala eratuko duten zutabeek erabilera desberdinak izango dituzte, tamainaren arabera. Erabilera hauek txorientzako, zein inguruarentzako lagungarriak izango dira, adibidez habiak, iluminazioa...

Natura modu artifizialean irudikatuz

Baso artifizial bat, denda baten barruan eta instalakuntzetako tutueria erabiliz.

Txoriak basoan

     Bi espazioak lotzeko ideiarekin jarraituz eta berdeguneari etekina ateratzeko asmoz, proiektua beste ildo batetik bideratu dugu. Txorien ohiturak ikusita, txoritoki ireki bat proposatzen dugu, espazioa mugatzen duen sarerik gabe. Horretarako basoan oinarritu gara. Txoriak hemen libreki mugitzen dira bizitzeko baliabide nahikoak dituztelako. Honelako espazio bat lortu nahi dugu, naturaren organikotasuna eta garabiaren zurruntasuna uztartuz.

Baso naturala

Burdinezko basoa

Mastil basoa

Txoriak basoan

     Ideia hauek konbinatuz, txorientzako baso bat sortu nahi dugu garabi inguruan. Alde batetik, beharrezkoa den begetazioa landatuko dugu txorientzako inguru naturala sortuz. Bestetik, zutabe eta kable batzuen bidez baso artifiziala osatuko da.

 Proposamenaren lehen irudiak

Mugarik gabeko txoritokia

Asteak pasatu dira txoritokiaren proiektuarekin hasi ginenetik. Denpora guzti honetan pentsatzen ibili gara txoritoki batek ze forma izan behar duen, nola mugatu eremua, ze baldintza behar dituen...

Agian ez da beharrezkoa eremua mugatzea, hau da txoritokiak azal bat izatea. Izan ere txoriak alde batetik bestera mugitzen dira eta txoriak nahi ditugun tokietan egoteko, behar dituzten elementuak-baldintzak sortzea nahikoa litzateke, hau da babesguneak, janaria, natura...

Horren adibide da Ifat Finkelman_Ofer Bilik Architects estudioak eginiko proiektua. Txorientzat sortzen dira eremu batzuk, beste batzuk aldiz gizakientzat. Horrela gizakiak eta txoriak elkabizi dira askatasunez.

 

Natura teknologiaren bidez

Studio DRIFT-ek hiru lanpara-luminaria aurkeztu zituen irailean. Teknologiaren bidez natura irudikatu nahi dute, modu honetan emozioak sortaraziz .

Bideoan ikusten dira Flylight, Shylight eta Fragile future luminariak.

Txoritokia definituz

Kokapenaren arrazoi nagusia kota desberdintasun nabaria gainditzea da. Garabiaz baliatuz, goiko plaza eta beheko berdegunea lotzea lortu dugu. Gainera, espazio berdeei etekina ateratzeko aukera dago, txoriei inguru natural bat eskainiz.

Altuerak kontutan hartuz, garabia inklinatzea pentsatu dugu, pasarela antzeko bat sortuz.

Garabiak plazarekin duen loturari etekina aterako diogu txoritokia alde honetarantz bideratuz.

1.Entrega-Marseille dans la mer_Gastronomia

Azalak

Plataformak amaitzen doazen einean.... AZALAK

Zein azal da egokia txorientzat?

Ze mota-tamainutako txoriak egongo dira?

Marsellako klima-ekosisteman ze txori dagoz?

Azal batzuek egitura behar dute, beste batzuk tentsatu egin daitezke egiturarik gabe...

 

proiektu bat amaitu eta bestearekin hasteko irrikaz

6 hexagono. 6 unitate. Ideia bakarra.

Hiru oinarriak

Proiektua hiru puntutan oinarritzen da.

•       Alde batetik plataforma portutik ikusiko da. Portuan betidanik izan da merkatua. MERKATUAren ideia edo irudi hori mantendu nahi da.

“El mercado es una forma de comunicación”

•      Beste alde batetik GASTRONOMIA bost sentsuekin gozatu ahal dela erakutsi nahi da. Eta ez ohi bezala pentsatzen den dastamenaren sentsuarekin soilik

“A la hora de apreciar un cuadro, una escultura, una película, una obra musical, la emoción que pueda producirse se percibe a través de los sentidos. En el caso de la cocina sucede exactamente lo mismo son los sentidos los que permiten que nuestro cerebro reciba esta sensación”

•        Gastronomiaz zentzu guztiekin gozatzeko ideia horrekin, IBILBIDEaren ideiak garrantzia hartzen du. Hau da gastronomia ibilbide moduan erakutsi nahi da. Beste alde batetik baldintza moduan daukagun hexagono formako plataformak figura zentral bat egitera bultzatzen du. Horrela helizearen ideia azaltzen da.

“Espacios continuos que fluyen libremente uno dentro del otro” Solomon Museum

Gastronomiaren plataforma lantzen

Ur gaineko arkitekturarako lehenengo ideiak

Marsellako lehen proiektu honetarako sei lan-talde elkartu gara. Gure helburua Marsellak historian zehar izan duen itsasoarekiko lotura erakustea izango da. Horretarako hiriarentzat esanguratsuak izan diren gaiak jorratuko ditugu, itsasotik ibilbide bat sortuz. Arkitektura flotante batek, sei gai hauek itsasoarekin duten harremana azpimarratuko du.

Aukeratutako gaiak honakoak dira;

             1 - Ontziralekua eta informazio puntua

             2 - Hiriaren historia

             3 - Marsella eta itsasoaren arteko lotura

             4 - Errepresentazio kulturalak

             5 - Marsellako gastronomia

             6 - Marsellaren etorkizuna, Marsella 2013 Hiri Kulturala.

Plataforma bakoitza hiriko gune desberdin baten kokatuta egongo da. Lehenengo plataformatik (informazio puntutik) irtengo den itsasontzi batek plataforma guztietara eramango gaitu,  itsas-ibilbide bat sortuz.

Banatuta egon arren, erakusketa amankomun bat eratzeko aukera ematen dute.

Proektuari bateratasuna emateko, baldintza batzuk ezarri ditugu denontzako;

             - Oinarriaren forma eta neurria denontzako berdina.

             - Elkarren artean lotzeko sistema berdina.

             - Plataformaren egitura eta material komunak.

Dena den, bakarkako proiektua malguagoa izan dadin, ez da eraikinetan formaren baldintzarik ezarri.

Marsella 2013 hiri kulturalerako proposatutako ibilbidea barnealdetik proposatzen dela ikusita, gure proiektu honekin, Marsellak historian zehar itsasoarekin izan duen erlazio estua azpimarratu nahi izan da, bigarren ibilbide bat proposatuz; itsas ibilbidea.

Proiektua 2013-ko hiri kulturalerako pentsatuta dagoenez, behin hau pasata, proiektua beste toki batera eramateko aukera eskaintzen da, hondakinik gabe, 2013ko hiri kulturalean itsas-esposaketa honen oroimena  bakarrik utziz.